Joel Lalbiakkima hi Saitual khuaa piang a ni a, tunah hian Mission Vengthlang, Aizawlah an chêng mêk. Pawl 12 (Science) ah Mizoram pumah 9-na a ni a. St. Edmund’s College, Shillongah B.Sc (Physics) zirin NEHU topper a ni a, MZU-ah M.Sc (Physics) Gold Medalist a ni bawk. ATC aṭangin Bachelor of Christian Studies (BCS) a zo a, MBA (Entrepreneurship) a zir zo tawh bawk. Lehkha a zir laiin Ministry of Science & Technology, Govt. of India hnuaiah INSPIRE Scholarship a hmu a, ONGC aṭangin Meritorious Award a dawng bawk. Tunah hian Scientific Officer hna a chelh mêk a ni. Akashvani (All India Radio) ah thla tin Science Magazine hun a hmang ṭhin a, Mizoram Science Journal-ah ziaktu hlun a ni.
