He lehkhabu hi theihpatawpa ka sual chhuah a ni. Tin, ka thinlunga thu awm, ka zûk hleih theih loh a ni tel bawk. Mi ṭhenkhat chuan mi dang thuziak atangin pawlna an dawng thin a. Entîr nân, Hrawva'n Joseph Addison-a thawnthu ziah The Vision of Mirzah tih a chhiar aṭangin 'Vanram' tih hla a phuah a. Chutiang erawh a ni pha teuh lo. Thinlunga thu awm, thinlung aṭang vêka paih hleih theih loh a awm a, chung chu Greek-ho chuan muse an ti a, ringtute chuan pawlna kan ti. Chutiang deuh chu a ni, he lehkhabu hi. Chung lam aṭanga ka dawn a nih êm loh pawhin a teuh viau ang.
