He lehkhabu ABBIE LEH INDONA SULHNU hi history behchhan thawnthu (historical novel) a ni a. Indopui I-na huna Mizo tlangval rual France ram kalte chanchin leh tunlai hun inchawhpawlh, hun inluh thelha ziak thawnthu a ni.
He thawnthu hi khawvela hnam fing zawkte kara Mizo thalaiten khawvel chanchin an luah ve dan leh an tihdanglam ve dan te, mak tak maia Pathianin Mizo hnam tan dinhmun tha a hauhsak ve zel dan chanchin tarlanna a ni bawk. Mizote tan thawnthu hlu tak a ni.
He thawnthu hi kalhmang dangdai tak, notes and references dah tela ziak a ni a. Thawnthu ni si, hriatna atan purchawkna tling a ni.
T Lalchhuangliana
He lehkhabu ziaktu T. Lalchhuangliana hi April 20, 1963 khan Leng khuaah a lo piangin Lengah hian a sei lian a. Zirna lamah MA, B.Ed a zo. Kum 1985 - 2017 thleng missionary hnathawkin Mission Field hrang hrangah a thawk a. Synod Mission Office Aizawlah kum 2018 - 2023 a awm hnuin kum 2024 kum tir khan a pension ta a ni. Tunah hian Zemabawk South, Aizawlah an khawsa mek a ni. Thuziak lama mi tui tak a nih avangin Articles, Drama, Poem leh Novel a ziakte hmangin lawmman a dawng ve nual. Indona hrang hrangin Mizo nun a khawih dan chhuina lam thawnthu a ziak nual a. 'Hriat reng phu Pasalthate' (Short story) leh 'The Lushai Brigade' (Movie script) te ziaktu a ni.
View Full Profile
