Ka Lo Kir Leh Ta E

Khawvel a thil tenawm ber pakhat chu phatsanna a ni awm e. Thianho pakhat chuan a rualin hmalam an pan zel a, an tum ram an thleng tep tawh tih ah khawvel mi ropui leh Lal ram tam tak tlawm chhan lo ni tawh an zinga hmeichhia Mami ngei mai chuan a tawp san in, a kalsan tak a thiante dinhmun a tlawlh ta vek mai. Inngaizawng inkarah chauh hmangaihna hi a lo nasa lo a, thian inkara hmangaihna hi a lo nep chuang hauh lo. An zinga tuar fal Zodinliana(Dina) chuan a neih hlu ber chu a thianpa hnenah hnutchhiahin vairam lamah a kal bo ve leh ta daih mai. He thawnthu hian hmun hrang hrang a fang kual a, Dina chu a va kalna ah chuan khuanu’n a thlah thlam lo a ni chek ang chu, dinhmun duhawm tak boruak nei hat tham in a awm ta a. A thiante tuam hlawm zui tur leh amah avanga an talbuai chhan Mami thungrul turin Mizoramah a let leh ta a. He thawnthu hian phuba lakna chauh a entir lo a, phuba lakna hi duhthlan tur tha ber a nilo a ni tih hi a entir tum ber a ni zawk. Hetia Zodinliana’n Mami thungrulh tum a a kir lehna ah hian khawvel in a mamawh ngilneihna, inthianthatna, zahngaihna leh khawngaihna te, etc. hringnun a mawina hrang hrang lan tir tel a ni a. He thawnthu phek 610 lai a chhah hi a buatsaihtu Zosangzuala(Red Wheelchair) chuan wheelchair a thu leh taksa chet vel harsa tak chungin thla 8 emaw vel lek chhungin a ziak zo a. Thawhrimna hi a thlawn lo tih a chiang khawp mai, MAL Book of The Year Top 20 2022 ah khan thlan tel a ni.