Zosangzuala (Red Wheelchair) Inah tih tur hrelo khawhar tak a a awm thin laiin an veng pa in, “Lehkhabu te ziak ve se, mi te ang a tha a nih loh pawhin hetiang a nihna ah a tan a tha thei ang” ti a thurawn a pek na chuan phurna nasa tak pe in, a novel hmasa ber Theih Ni Se tih chu a ziak tan nghal ta. Thla 3 chhungin a zo hman tep a, ziah zawh nan phek 3 vel chauh a mamawh tawh tih ah computer khawl a chhe har ber pawl a computer hard drive chu a chhe ta vek hlauh mai. A beih ngawrh zia hriatpui tu a chhungte chuan an lunghnur pui hle a. Chutah amah chuan,“Thawnthu pakhat ka ziak zo a nih chuan engvangin nge thawnthu dang ka ziah leh theih loh ang le” tiin a in sehruh a. A chhungten a computer khawl thar te pawh chu lei sak leh in thla 1 intihthawvenna chawlh a neih leh hnu ah thla 3 chhung bawk in a rawn ziak zo leh a. He novel a ziah lai hian kum 18 mi a ni a, kum 18 mi chuan star deuh te lo
nei ve in chu nu ngei mai chu a thawnthu ah hian a changtunu ah hmangin a ziaktu hi lehkhabu chhiar a in awm tleina ber a nih angin kum 18 mi tan a thawnthu ziah hmasa ber ni mahse Zosangzuala(Red Wheelchair) kut chhuak ah midangin an hriatna ber tih pawhin a sawi theih ang.
Zosangzuala
Zosangzuala(Red Wheelchair) hi thluak a taksa thununtu thalo vang a wheelchair hmang a ni a. A naupan lai leh tleirawl chhuah tirh chuan inkiltawihna nei thin mahse a hringnun ah literature thil tih theihna lo langin a hringnun hman dan a thlak danglam chho a, lehkha chhiar peih tak a ni bawk. Chumi infawmkhawm chuan lehkhabu hial a rawn siam tir ta a, a kut chhuak te hi rualbanlo kut chhuak mai nilo in ngaihtuahna chhung ril tak atanga ziah a ni tih a hriat theih hle. A thil tih te hi rualbanlote khawtlangin an thlir dan lo danglam phah se tih hi a tum ber a ni bawk.
View Full Profile
