He lehkhabu ziaktu hian harsatna nasa tak paltlang chunga Amity University-a LL.M a zir chhoh dan a inbunruahna lehkhabu a ni a. Autobiography ngaina mi te tan chuan lehkhabu ngaihnawm tak a tling. Sap thufingin tumna a awm chuan kawng a awm an lo tih thin kha he lehkhabu hian chiang takin a nemnghet a. Eng anga harsatna leh buaina pawh tawk ila, hma lam kan pan chhung chuan tuman min hneh thei ngai dawn lo a ni tih hi he lehkhabu thuchah laimu ber niin a lang.
Dr. K. Remruatfela
He lehkhabu ziaktu Dr. K. Remruatfela hi thiamna lamah chuan M.A. (Public Admin); LL.M (Corporate Law) leh Ph.D (Copyright Law) niin tunah hian Gauhati High Court, Aizawl Bench hnuaia Judicial Court hrang hrangah Advocate hna a thawk mek a ni. Lehkhabu ziah lama tui tak niin lehkhabu 20 a rawn ti chhuak tawh a. Tunah hian a nupui fanau nen Luangmual, Aizawl-ah an cheng mek a ni.
View Full Profile
